RTI COACHING
أ. منى حسنمن مزايا RTI أنها بتساعدك تعرف مزايا نمطك وعيوبه، نقاط القوة ونقاط الضعف فيه.
مهم جدا أننا نتعرف على نقاط القوة في شخصيتنا، لأن بالتركيز عليها هنتميز وننطلق بأمر الله للنجاح، لكن من الأخطاء اللي بنقع فيها إننا نتجاهل نقاط الضعف اللي عندنا ونتصور أن الالتفات ليها تضييع للوقت والجهد.
نقطة الضعف أو العيب في نمط معين أوقات كتير بيكون هو الشيء اللي بيفسد عليه سعادته أو نجاحه.. زي عصبية ممكن تخسرني عمل تعبت كتير لحد ما وصلت ليه ، أو ان من طبيعتي عدم الاهتمام بمشاعر الآخرين فأخسر علاقة جميلة كنت اتمنى أكمل فيها.
طيب دي نقاط ضعف بتفسد علينا نجاحنا في الدنيا .. تعالوا كدا نتنقل لمشهد في الآخرة:
المشهد اللي بيرعب أي حد بيتخيله مشهد أول تلاتة هتسعر بيهم النار )القاريء -والمجاهد- والمتصدق ( الأصناف التلاتة كانوا أصحاب نمط فيه مشكلة واحدة بس (رؤية الناس). كل واحد فيهم كان شخص من اتنين إما شخص مش شايف عيبه أساسا، أو أنه شخص عارف مشكلته بس فرحان بإنطلاقه نحو هدفه ومتصور إن وقوفه علشان يصلح فيها قبل ما ينطلق في طريقه هيعطله عن التقدم فيه فكانت دي النتيجة.
ربنا سبحانه وتعالى لما ذكر الهدف من ارسال النبي صلى الله عليه وسلم قال :"كما أرسلنا فيكم رسولا منكم يتلوا عليكم ءاياتنا ويزكيكم ويعلمكم الكتاب والحكمة ويعلمكم مالم تكونوا تعلمون".
o أول دور للنبي صلى الله عليه وسلم (يزكيكم ) .. ولما نشوف نموذج الصحابة رضوان الله عليهم والنقلة المذهلة في شخصياتهم وقيمهم اللي وصلتهم لقيادة العالم هنلاقي أن الصرح العظيم دا ما اتبناش غير على أساس (التزكية) .
o التزكية مش اختيار أو عنصر تكميلي في بناء النفس .. التزكية شرط أساسي لشخصية متزنة وناجحة، وجواز مرور لدخول الجنة:" وأما من خاف مقام ربه ونهى النفس عن الهوى فإن الجنة هي المأوى ".
والدليل إن نفس الأصناف التلاتة لما اتخلصوا من آفة رؤية الناس و اشتغلوا على إصلاح نفسهم كانوا هما نفسهم القاريء اللي هيتقال له اقرأ وارتق فان منزلتك عند آخر آية تقرأها، والشهيد اللي في درجة النبيين والصديقين، والمنفق اللي بيوصل لأعلى المنازل في الجنة.
oأولا :لنفسه لأن رسالة إصلاح نفوس البشر ومساعدتهم في تحسين حياتهم هي رسالة الأنبياء.. فمحتاجة نماذج وقدوات ،علشان كدا ياريت بجد نهتم بنفسنا.
oثانيا : لكل شخص بيساعده لأن دعم الناس ومساعدتها للوصول لأفضل نسخه من نفسها وأفضل وضع لحياتها مش هيوصل للنتائج اللي بتتمنوها من غير مساعدتهم في التخلص من مشاكلهم وعيوبهم.
